St. Benilde kampeon sa NCAA football

MANILA, Philippines — Tinalo  ng College of St. Benilde ang  Arellano University sa  penalty shootout, 2-1 upang maiposte ang  3-2 panalo at tapusin ang kanilang 8-year title drought sa pagtatapos ng  NCAA Season 93 men’s football tournament sa Rizal Memorial pitch.

Nagtagumpay sa  pagharang si goalie Jake Vicen sa  attempt ni Roberto Corsame, Jr.  sa shootout upang tulungan ang Blazers sa 2-1  pagtapos sa title series at pag-angkin ng ika-4 na titulo nila sa liga.

Ang tagumpay ang ikalawa para sa head coach nang koponan na si Marlon Maro, mula nang maupo ito noong 2003.

“The players deserve this cham-pionship,” wika ni Maro.

Naunang umiskor  ang Blazers matapos ang goal ni Miguel Alfonso Artillera sa 38th-minute  bago ito naitabla ni Corsame, dating  national under-23 standout, tatlong minuto pagkasimula ng second half.

Mula doon,  hindi na naka-goal ang magkabilang panig hanggang muling umabot ang laro sa penalty shootout.

Bigo si  Earl Real Laguerta ng  CSB sa kanyang attempt, na nagbigay daan para makalamang ang Chiefs,  2-1 sa  shootout, ngunit di na nakaiskor pa ang mga nalalabing strikers nila habang nag- deliver naman para sa  Blazers sina  Renz Joseph Tulayba  at  Major Dean Ebarle.

Naging klasiko ang natapos na series dahil lahat ng laro ay umabot ng extra time at nagwakas sa  penalty shootouts.

Unang nagwagi ang Arellano  sa series opener, 3-2, bago winalis ng   CSB ang Game Two at  Game Three. (FML)