Durant sinapawan si James

CLEVELAND – Kampanteng hinarap ng Golden State Warriors ang karibal na Cavaliers para palawigin ng Warriors ang kanilang road winning streak sa 13.

Tumipa si Kevin Durant ng 32 points, habang nagdagdag si Stephen Curry ng 23 markers para pangunahan ang Warriors sa 118-108 panalo laban sa Cavaliers.

“At home, we just relax a little bit,” sabi ni Durant. “This is who we are when we’re on the road.”

Ito ang ikalawang sunod na panalo ng Golden State laban sa Cleveland, naisuko ang walo sa 10 laban simula noong Araw ng Pasko.

Nakadikit ang Cavaliers sa 91-93 agwat papasok sa fourth quarter, ngunit naimintis ang 17 sa kanilang 19-tira na sinamantala ng Warriors para makalayo.

Umiskor si LeBron James ng 32 points kasunod ang 17 markers ni Kevin Love para sa Cleveland, nagwakas ang 13-game home winning streak.

“It seemed like the rim just got smaller and smaller,” wika ni James. “But I like our effort. If we continue that going into our next few games, then I like where we are.”

Nag-ambag naman si Isaiah Thomas ng 19 points sa kanyang unang pagharap sa Warriors suot ang uniporme ng Cavaliers.

Bagama’t naupo sa bench sina Durant at Curry sa fourth quarter ay pinangalagaan naman nina Andre Iguodala, Draymond Green, David West, Klay Thompson at Shaun Livingston ang kalamangan ng Warriors.

“Everyone knows it’s going to take a while to get into a comfortable groove here,” ani Durant. “It’s a new system, so I don’t think this game was any indication of what’s going to happen with this team down the line. They’ll be much better than they are right now — and we all know that.”

Nagtala ang Cleveland ng 1-4 sa kanilang road trip na tinampukan ng mga blowout losses laban sa Minnesota at Toronto.