Philracom Juvenile C’ship ilalarga sa Dec. 24

MANILA, Philippines — Ang 2017 Philippine Racing Commission Juvenile Championship stakes race ay ilalarga sa Disyembre 24, 2017 sa Saddle & Clubs Leisure Park sa loob ng Naic Cavite.

Pangungunahan ng kabayong Disyembreasais, ang 1,600 metro distansiyang karera na nilahukan pa ng 11 kapwa nitong mga kabayong may edad na tatlong taon lamang.

Makakalaban ng Disyembreasais ang mga sumusunod: Aphrodisiac, Facing Dixie, Goldsmith, Misha, Prosperity, Royal Signal, Sotogrande, Speedmatic, Sweet Dreams, The Barrister at Victorious Colt.

Mayroong nakahandang P2,500,000 papremyo ang PHILRACOM na ang magkakampeon ay nakatakdang tumanggap ng P1,500,000.

Sa runner-up ay P562,500; sa ikatlo ay P312,500 at sa ikaapat ay P125,000. Magkakaroon ng breeders purse na P75,000 ang kampeon.

Sa d Disyembre 31 ay paglalabanan naman ang 2017 PHILRACOM Grand Sprint Championship sa karerahan ng Metro Manila Turf, na nasa Malvar-Tanauan, Batangas.

Sa distansiyang 1,200 meters, ang mga kalahok ay ang Brennero, Dinalupihan, Lakan, Lollipop, Showtime, Smokin Saturday at Song Of Songs.

Dito ay P1,000,000 naman ang papremyo na ang magkakampeon ay nakatakdang tumanggap ng P600,000. Sa second placer ay P225,000; sa third placer ay P125,000 at sa ikaapat ay P50,000.

Mayroong breeder’s purse na P30,000 para sa magwawaging kabayo.

Inaabangan na rin ang gaganaping 4th Pasay The Travel City Racing Festival bago matapos ang taong 2017. Nakalista para sa distansyang 1,600 meters ang Atomicseventynine, Backdoor Cover at She’s Incredible.

Ang kampeon ay tatanggap ng P420,000 samantalang sa runner-up ay P157,500; sa ikatlo ay 87,500 samantalang sa ikaapat ay P25,000 mula sa kabuuang P700,000 papremyo.

Sa Mayor Tony Calixto Cup ay kasali ang mga sumusunod: Dis-yembreasais, Hot To Trot, No Regret, Sweet Dreams, Sheer at Victorious Filly.

Pareho rin ang prem-yuhan nito sa The Travel City Cup pero ang disansiya ay P1,400 meters lamang.