Pang-59 na triple-double ni Lebron
Si LeBron James ng Cleveland laban kay Josh Hart ng LA Lakers.
CLEVELAND – Ipinoste ni LeBron James ang kanyang ika-59 career triple-double sa harap ni rookie sensation Lonzo Ball at kanyang mga kapatid habang umiskor si Kevin Love ng 28 points para pamunuan ang 121-112 panalo ng Cavaliers laban sa Los Angeles Lakers.
Tumapos si James na may 25 points, 12 rebounds at 12 assists para makatabla kay Larry Bird sa sixth place sa career triple-doubles list.
Si James ang humawi sa Lakers sa dulo ng fourth quarter mula sa kanyang dunk at short runner para sa ika-10 sunod na home win ng Cavaliers.
Ito ang pang-16 panalo ng Cleveland sa kanilang huling 17 laro.
Labis namang namangha si Ball sa pagharap kay James.
“Watching him doesn’t do him justice,” sabi ni Ball, pinanood ng kanyang mga kapatid na sina LiAngelo at LaMelo. “He has that size, that speed. I’d say he’s the best player in the world right now.”
Bago ang laro ay nagbatian sina James at Ball at tinakpan ang kanilang mga bibig para hindi makita ng mga camera ang kanilang pag-uusap.
Isinunod ng 20-anyos na dating UCLA star ang kanyang laro kay James.
“It’s always team,” wika ni James kay Ball. “He passes the ball. Pushes the ball up the floor. Someone you want to play with. This is a team game. Everyone gets so caught up in this whole individual thing and it’s, the whole team game gets overlooked, but then, I’m not going to go there.”
Tumipa naman si Love ng 13 points sa third quarter kung saan kinuha ng Cleveland ang 11-point lead laban sa Los Angeles. Nagdagdag si guard Jose Calderon ng season-high na 17 points para sa Cavaliers.
Binanderahan ni Brandon Ingram ang Lakers mula sa kanyang 26 points habang naglista si Ball ng 13 points, 10 assists at 8 rebounds.
Sa Oakland, California, kahit wala ang apat nilang players, pumagitna si Klay Thompson sa fourth quarter para tulungan ang Golden State Warriors na ta-lunin ang Dallas Mavericks, 112-97.
- Latest
