Del Rosario binigyan ng parangal ng Kukkiwon

MANILA, Philippines — Ipinagkaloob kay dating taekwondo champion at ngayon ay Makati Congressman Monsour del Rosario ang 2017 ‘Award for a Proud Taekwondo’ ng Kukkiwon, ang sports governing body.

Ang nasabing parangal ang pinakamataas na ibinigay ng Kukkiwon sa mga individuals na malaki ang naging kontribusyon para sa pagpapalakas ng taekwondo sa loob at labas ng bansa.

Sapul nang ilunsad ang naturang award noong 2005 ay ta-nging si Del Rosario lamang ang unang non-Korean na binigyan ng rekognisyon.

“I’m proud to share this honor with my fellow Filipinos.  I hope this will inspire them to strive hard and never give up on their dreams,” sabi ng Makati solon.  “As one of the pioneers of taekwondo in our country, I’m proud to have helped and seen its development.  I thank Kukkiwon for recognizing my contribution to the sport’s growth.”

 Pinili si Del Rosario na bigyan ng award ng isang komite ng mga taekwondo grand masters sa hanay ng daan-daang nominado mula sa 209 bansa.

Hinirang si Del Rosario dahil sa kanyang bemedalled career, ang naging papel niya sa pagpapaunlad at pagpapayabong ng sport mula sa grassroots hanggang sa national at international levels, ang kanyang pamamahala bilang Philippine Taekwodo Association secretary general, ang serbisyo niya bilang taekwondo ambassador at bilang isang legislator.

 Ilang gold, silver at bronze medals ang naibigay ni Del Rosario sa Pilipinas sa kanyang pagsali sa World at Asian Championships, Asian Games, Southeast Asian Games at Southeast Asian Championships.