Celtics binawian ang Pistons
Paiskor si Al Horford ng Boston laban kina Stanley Johnson at Tobias Harris ng Detroit.
DETROIT – Ipinatikim ng Celtics ang ikaa-nim na sunod na kamalasan sa Pistons dalawang linggo matapos silang yumukod sa nasabing koponan sa Boston.
Humakot si center Al Horford ng 18 points, 9 rebounds at 6 assists habang nagdagdag si guard Kyrie Irving ng 16 markers para akayin ang Cel-tics sa 91-81 panalo laban sa Pistons.
Nag-ambag sina Marcus Smart at Jaylen Brown ng tig-12 points para sa Boston, nalimita-han ang Detroit sa season low sa points scored at field goal percentage.
“I wouldn’t call it payback,” sabi ni Irving. “It’s just always good when you can respond the way you want to, especially on their home floor, just like they did on our home floor.”
Nanggaling ang Cel-tics sa three-point loss laban sa San Antonio Spurs noong Biyernes.
“We were locked in,” ani Aron Baynes, humakot ng 13 rebounds para sa Celtics at nilimitahan si Pistons center Andre Drummond sa season-low 6 points.
Kinuha ng Eastern Conference-leading Boston ang 16-point lead sa fourth quarter at hina-yaang makalapit ang Detroit sa apat na puntos.
Ngunit kumamada ang Celtics ng apat na basket sa huli nilang anim na posesyon para muling makalayo sa Pistons.
Sa Indianapolis, nagpasabog si Victor Oladipo ng career-high 47 points para tulungan ang Indiana Pacers sa 126-116 overtime win laban sa Denver Nuggets.
Sa Sacramento, itinala ng Toronto Raptors ang kanilang ikaanim na sunod na panalo matapos kunin ang 102-87 tagumpay laban sa Kings.
Hawak ngayon ng Raptors ang third-best record sa Eastern Conference.
Sa New Orleans, gumamit ang Pelicans ng 18-4 atake sa fourth quarter para sibakin ang Philadelphia 76ers, 131-124.
- Latest
