Childrens Games tagumpay sa Carcar at Cebu
MANILA, Philippines — Mahigit 2,400 kabataan mula sa Lungsod ng Carcar at Cebu ang sumali sa Philippine Sports Commission Childrens Games noong nakaraang Linggo.
Sabi ni PSC commissioner Ramon Fernandez na nag-supervise mismo ng naturang event, ito ay para sanayin ang mga kabataan sa paglalaro.
“The goal is to bring the Children’s Games all over the Visayas region, not only in mainland barangays, but also in lowland barangays,” sabi ni Fernandez.
Nagpasalamat din si Fernandez na dating four-time PBA MVP sa mga Mayor ng dalawang Lungsod at sa Visayas region sa kanilang suporta para maturuan ang mga kabataan sa paglalaro.
“I am glad with the full support given by all ma-yors of Visayas in nurturing our children,” dagdag ni Fernandez.
Ang Children’s Games ay inilunsad ni PSC Chairman William Ramirez noong Mayo sa Davao City bilang isang integral part ng “Sports for Peace thrust” ng administrasyon ni Pangulong Rodrigo Roa Duterte.
“These plans are at the same page with what Chairman Ramirez has in mind. The Children’s Games is part of the grassroots sports development program of the agency,” aniya.
Kabilang ang chess, basketball, volleyball at iba pang mga indigenous games ang tinuturo sa dalawang araw na event na una na ring ginanap sa iba’t ibang bahagi ng Luzon at Mindanao pati na sa Iligan City kung saan sinalihan ng mga anak na nag-evacuate mula sa Marawi City.
“We are making this activity for the children. We believe that sports is one of the ways to build a friendly neighborhood and ensure physical fitness,” pahayag ni Fernandez.
Susunod na idaraos ng Children’s Games sa Naga City, Mandaue City, Bacolod City, Lapu-Lapu City, Iloilo City sa mga susunod na linggo.
- Latest