Game 3 ng NCAA Juniors Finals inilipat sa Nob. 24

MANILA, Philippines — Ang naunang iti­nakdang ‘winner-take-all’ Game Three ng NCAA Season 93 ju­niors’ basketball cha­m­pionship series sa pagitan ng nagdedepensang Mapua at CSB-La Salle Greenhills na nakatakda sanang ganapin ngayong hapon sa Smart Araneta Coliseum ay ini­urong at inilipat din ng venue.

Magaganap ang na­sa­bing ‘rub­ber match’ sa Biyernes sa Filoil  Flying V Center sa San Juan City batay sa ini­la­bas na advisory ni NC­AA Management Com­mittee chairman Fr. Glynn Ortega OAR ng season host San Sebastian College.

Ang nasabing ‘do-or-die’ game ay naitak­da pagkaraang itabla ng Red Robins sa 1-1 ang serye sa pamamagitan ng 91-81 panalo sa Game Two.

Pumabor  sa Red Ro­bins ang pagkawala ni Ju­nior Blazers’ power forward at Rookie of the Year Inand  Fornilos na napatawan ng one-game suspension at nagpakatatag matapos ang  maagang pagkawala ni season MVP Will Gozum sa Game Two upang makapuwersa ng Game Three.

Tumulong sina Clint Escamis at Erick Jabel kay My­thi­cal Team member Warren Bonifa­cio na maipanalo ang Red Robins.