Blatche, Gilas Pilipinas bibiyahe patungong Tokyo

MANILA, Philippines — Walang ibang hangad si naturalized player Andray Blatche kundi matulungan ang Gilas Pilipinas na manalo sa kanilang mga laro sa FIBA Asia World Cup 2019 Qualifiers.

“Our main focus is winning. We’ll got to Japan, get a win, come back here and get a win. That’s the goal,” sabi ng 6-foot-11 na si Blatche.

Nakatakdang magtungo si Blatche at ang 15-man Gilas Pilipinas pool sa Tokyo ngayong umaga para sa­gupain ang Japan sa Nobyembre 24 sa pagdribol ng FIBA Asia World Cup 2019 Qualifiers sa Komazawa Gymnasium.

Maliban kay Blatche, ang iba pang nasa Gilas Pi­lipinas pool ay sina four-time PBA Most Valuable Pla­yer June Mar Fajardo, Jayson Castro, Japeth Agui­lar, Raymond Almazan, Kiefer Ravena, Kevin Alas, Calvin Abueva, Carl Bryan Cruz, Matthew Wright, Gabe Norwood, Troy Rosario, Mac Belo, RR Pogoy at Allein Maliksi.

Sa Tokyo papangalanan ni Reyes ang kanyang Final 12 na itatapat sa mga Japanese.

Noong Linggo ng umaga lamang dumating sa bansa ang 31-anyos na si Blatche matapos ang ilang araw na paghihintay sa kanya ni head coach Chot Reyes.

Nasa Group B ang Pilipinas sa 'home-and-away' series ng Asian World Cup qualifiers kasama ang Japan, Chinese-Taipei at Australia, habang ang Group D ay binubuo ng Iran, Kazakhstan, Qatar at Iraq.

Ang Top Three sa nasabing dalawang grupo ang magsasagupa sa susunod na yugto ng torneo.

Ang mapapasama sa Top Seven mula sa 16 teams sa qualifying event ang makakalaro sa 2019 World Cup sa China.