Chicago napiling host ng 2020 All-Star Game
CHICAGO – Inihayag ng NBA na napili ang Chicago na host ng NBA All-Star 2020.
Ang 69th annual game ay gaganapin sa United Center, homecourt ng six-time NBA champion na Chicago Bulls sa Feb. 16.
Ito ang ikatlong NBA All-Star sa Chicago, na una nang naganap noong 1973 at 1988.
Inihayag ito ni NBA Commissioner Adam Silver sa press conference sa United Center kasama sina Chicago Mayor Rahm Emanuel, Bulls President and Chief Operating Officer Michael Reinsdorf, Bulls Executive Vice President of Basketball Operations John Paxson, Alderman Walter Burnett Jr. (27th Ward) at Chicago Sports Commission Executive Director Kara Bachman.
Mauunang magho-host ng All-Stars ang Los Angeles sa 2018 at Charlotte sa 2019.
Ang NBA All-Star Game 2017 ay ginanap sa New Orleans noong Pebrero.
- Latest
