Chooks to Go NCAA Player of The Week
MANILA, Philippines — Dahil sa ginawa niyang pamumuno para makumpleto ng Lyceum of the Philippines University ang makasaysayang elimination round sweep ng NCAA Season 93 men’s basketball tournament, si Mike Nzeusseu ang nahirang para maging Chooks-To-Go NCAA Press Corps Player of the Week.
Nagposte ang Cameroonian slotman ng 27 puntos, 21 rebounds at dalawang blocks nang talunin ng Pirates ang San Beda sa double overtime, 107-105 noong Huwebes para maitala ang 18-0 sweep ng double round eliminations.
Bunga nito, nakamit ng LPU ang unang slot sa best-of-three finals series kung saan haharapin nila ang mananalo sa stepladder playoffs na nagsimula noong Biyernes sa Fil Oil Flying V Center at magpapatuloy ngayong Martes sa Mall of Asia Arena.
Bukod kay CJ Perez, parte si Nzeusseu ng malaking pagbabago ng LPU mula sa pagiging NCAA dormants tungo sa pagiging title contenders matapos magtala ang Season 92 Rookie of the Year ng average na 11.4 puntos, 11.8 rebounds at 1.2 blocks ngayong season.
“It’s really special,” ani LPU coach Topex Robinson. “I think what transpired here is not just us but the whole LPU community - the culture, the tradition with LPU. It’s just something that I’m so grateful for.”
Malaki rin ang pasasalamat ni Robinson sa buong pusong pagsasakripisyo ni Nzeusseu para lamang makatulong na maipanalo ng Lyceum ang kanilang mga laban.
Sa katunayan, walang pag-aatubili nitong sinabi na mas mahalaga sa kanya ang mapagkampeon ang LPU kaysa magwagi ng individual award partikular ang MVP. FML
- Latest
