Determinadong bumawi ang Gins

MANILA, Philippines — Inamin na ni two-time PBA Grand Slam champion coach Tim Cone ang kanyang pagkakamali nang tanggihang kamayan si Meralco mentor Norman Black sa Game Three ng 2017 PBA Governor’s Cup noong Miyerkules.

“I got caught up in the moment and could’ve handled it differently. I apologize, and will do so to him personally,” sabi ng 59-anyos na si Cone kay Black, ang one-time PBA Grand Slam champion coach.

Hindi nagustuhan ni Cone ang pagtawag ni Black ng timeout sa huling 38 segundo ng fourth quarter kung saan hawak ng Bolts ang 13-point lead laban sa Gin Kings.

Ayon kay Cone, hindi niya nakontrol ang kanyang emosyon kaya hindi kinamayan at nakipagsigawan kay Black habang papalabas ng court.

Ang nasabing panalo ang inaasahang sasakyan ng Meralco para makatabla sa Ginebra sa Game Four ngayong alas-7 ng gabi sa Smart Araneta Coliseum.

Hindi na matatapos ni veteran forward Ranidel De Ocampo ang best-of-seven championship series matapos magkaroon ng torn left calf muscle sa kaagahan pa lamang ng first quarter.

Kaya naman muling aasahan ni Black ang 38-anyos na si Reynel Hugnatan, humataw ng 22 points tampok ang 7-of-12 shooting sa three-point line sa Game Three.

“With Ranidel going out, he obviously has to step up and fill that position which Ranidel occupies,” ani Black kay Hugnatan na nagtala ng average na 1.0 points per game sa unang dalawang laro ng serye bilang pamalit kay Jared Dillinger. “He’s been doing that for me for the last three years so he’s accustomed to doing that already.”

Ayon kay Hugnatan, may apat na PBA championships, ibibigay niya ang lahat para manalo ang Bolts sa kanilang serye ng Gin Kings.