Maraño napiling PSL ambassador

MANILA, Philippines — Dahil sa kanyang ipinapakitang impluwensya sa mga kabataan at pagmamahal sa larong volleyball,  napili si Abby Maraño ng  Philippine Superliga (PSL) bilang bagong  league ambassador.

Itinalaga ang star middle blocker ng F2 Logistics bilang bagong mukha ng liga sa pagsisimula ng  Chooks to Go-PSL Grand Prix bukas  sa  Filoil Flying V Centre sa San Juan.

Magsisimula ang import-laden conference sa pamamagitan ng dalawang eksplosibong  laro kung saan magtatapat ang  Generika-Ayala at powerhouse Petron  sa pambungad na laro na susundan ng sagupaan ng  Cignal at  two-time champion Foton.

Ayon kay PSL president Ramon “Tats” Suzara, maaaring malayo ang mga katangian ni  Maraño sa mga naunang league ambassadors  na sina Gretchen Ho, Cha Cruz at Mika Reyes ngunit naniniwala silang karapat -dapat ito sa nasabing role.

“Unlike Gretchen, Cha and Mika, Abby is very vocal and outspoken,” ani Suzara. “Her influence, especially to the youth, is enormous and she had repeatedly displayed her love for the sport and loyalty to the league. That’s why we decided to formally tap her as the PSL ambassador for this year.”

Miyembro din si Maraño ng  national women’s team  na kumampanya sa nakaraang  AVC Asian Senior Women’s Championship.

“I really have a vocal personality and I’m not afraid to speak my mind for as long as I am right,” ayon kay Maraño. “If the  PSL image is at stake, no doubt, I will stand up and defend the league.”

“I want to thank Mr. Suzara, Mr. (PSL chairman Philip Ella) Juico and the entire PSL organization for trusting me to be their ambassador. This is another step for me to influence the youth and aspiring athletes to play their best and chase their dreams,” ani Maraño.