NBA players nakisimpatya kay Hayward

MANILA, Philippines — Isang araw matapos ang kanyang nakakapa-ngilabot na ankle fracture sa debut niya para sa Boston Celtics noong Martes ay nakatanggap si forward Gordon Hayward ng encouragement mula sa mga kapwa NBA players na nakaranas din ng injury sa kanilang mga career.

Napilipit ang paa ni Hayward, lumagda ng blockbuster four-year, $128 million contract sa Celtics sa offseason, sa kanilang season opener laban sa Cavaliers sa Cleveland.

Naging masama ang bagsak ni Hayward nang piliting saluhin ang isang alley-oop pass sa unang limang minuto ng first period.

“It brought me back to Vegas and when it happened to me,” wika ni Oklahoma City forward Paul George, nagkaroon ng leg fracture noong 2014 sa isang scrimmage para sa Team USA sa Las Vegas. “Immediately I felt devastated and nauseous. It took me back to that place.”

Tinawagan ni George, nagbalik sa aksyon matapos ang injury at tinulu-ngan ang Indiana Pacers na makapasok sa playoffs noong 2016 at 2017 seasons, si Hayward sa telepono noong Martes ng gabi.

“I tried to give him words of encouragement and tried to be there for him,” ani George.

Nakakuha din ng suporta si Hayward mula kay Golden State Warriors guard Shaun Li-vingston, nagkaroon ng broken leg at dislocated left knee cap habang nag-lalaro para sa Los Angeles Clippers noong 2007.

“Only God has ALL the answers,” sabi ni Li-vingston sa isang Twitter message kay Hayward na may kasamang tatlong prayer emojis.

Ikinunsidera ng mga doktor na putulin ang binti ni Livingston ngunit ito ay kanyang tinanggihan.

Unti-unting nakabalik sa laro si Livingston at nanalo ng dalawang NBA championships bilang key reserve para sa Warriors.

Binigyan naman ni five-time NBA champion Kobe Bryant, nakaranas ng torn Achilles tendon noong 2013 at nagbalik sa hardcourt bago nagretiro noong 2016, si Hayward ng pep talk sa isang Instagram post noong Miyerkules.

“It’s a long journey but if you focus on the mini milestones along the way you will find beauty in the struggle of doing simple things that prior to this injury were taken for granted,” sabi ni Bryant.