McCollum sinuspindi ; Leonard ‘di pa ready

NEW YORK — Pinatawan si Portland Trail Blazers guard CJ McCollum ng one-game suspension without pay dahil sa pag-alis ng bench area sa gitna ng isang kaguluhan, ayon kay Kiki VanDeWeghe, ang Executive Vice President, Basketball Operations.

Nangyari ang insidente sa 9:33 minuto ng fourth quarter sa 113-104 preseason win ng Blazers laban sa Phoenix Suns noong Oktubre 11 sa Talking Stick Resort Arena.

Hindi sasalang si McCollum sa kanyang unang laro para sa 2017-18 NBA regular season.

Sa Houston, hindi pa handang maglaro si San Antonio Spurs superstar Kawhi Leonard.

Sinabi ni San Antonio coach Gregg Popovich na kailangan pa ng All-Star forward ng sapat na panahon para mapagaling ang kanyang injured thigh muscle right.

Dahil dito ay hindi siya makikita sa pagsabak ng Spurs sa kanilang regular season laban sa Minnesota Timberwolves sa Miyerkules.

“He’s still rehabbing and when he’s ready, he’ll be ready,’’ wika ni Popovich sa mga reporters sa Houston bago ang preseason finale ng Spurs laban sa Rockets.

Hindi naglaro si Leo-nard sa training camp at sa preseason games ng San Antonio matapos magtala ng average na 25.5 points at pumangatlo kina Russell Westbrook ng Oklahoma City Thunder at James Harden ng Rockets sa MVP race.

May 14-4 record ang Spurs sa huling dalawang regular seasons na ‘di nag-laro si Leonard.