Valdez nagbida sa Creamline

MANILA, Philippines — Hindi nasayang ang pagpila ng mga avid fans ni Alyssa Valdez para lamang makita ang kanilang iniidolong volleyball player.

Binanderahan ni Valdez, ang pinakasikat na volleyball star sa bansa, ang Creamline sa 17-25, 18-25, 25-17, 25-23, 19-17 panalo laban sa BanKo-Perlas sa second leg ng “PVL on Tour” sa Batangas City Coliseum noong Linggo.

“I was inspired to play hard because the fans who came to watch us here deserve nothing less,” ani Valdez.

Bumiyahe si Valdez mula sa Iloilo patungong Bacolod hanggang Manila at Batangas City para tulu-ngan ang Cool Smashers.

“We were stranded in Iloilo. Our flight was supposed to be 10:30 p.m. Oct. 13 but it was cancelled,” sabi ni Mozzy Ravena na kasama si Valdez sa biyahe.

“She (Valdez) had to travel by ferry to Bacolod where she eventually found a flight at 2 p.m. and thankfully arrived in Manila where she travelled by land to go to Batangas City in time for the game,” dagdag pa nito.

Halatang napagod si Valdez, pansamantalang lumiban sa paglalaro para sa Chinese Taipei club na Attack Line para sumabak sa PVL on Tour, sa biyahe sa kanyang inilaro sa unang dalawang sets bago nakuha ang kanyang pamatay na porma para sa comeback win ng Creamline sa BanKo-Perlas .

Samantala, pinamunuan ni Myla Pablo ang Pocari Sweat sa 17-25, 27-25, 16-25, 26-24, 15-5 panalo laban sa BaliPure ni Grethcel Soltones.

Nakatakda ring maglaro si Valdez sa pagbisita ng PVL on Tour sa Iloilo ngayon at sa Bacolod City bukas.