2 jersey ni Kobe Bryant ireretiro ng LA
LOS ANGELES – Hindi sapat ang pagreretiro ng isang jersey para kay Kobe Bryant at sa Los Angeles Lakers.
Ireretiro ng Lakers ang No. 8 at No. 24 jersey ni Bryant sa Dec. 18 sa kanilang laban kontra sa Golden State, ayon sa pahayag ng team nitong Martes.
Isinuot ni Bryant ang No. 8 noong 1996 hanggang 2006 bago ginamit ang No. 24 sa huling bahagi ng kanyang 20-year career na ginugol niya sa Lakers lamang. Siya ang ika-10th player na paparangalan ng Lakers na isasabit ang jersey sa Staples Center wall, ngunit siya ang una sa NBA history na ireretiro ang dalawang jersey ng iisang team.
“Kobe’s jerseys are taking their rightful home next to the greatest Lakers of all time,” sabi ni Lakers owner Jeanie Buss. “There was never any doubt this day would come. The only question was when. Once again, Lakers fans will celebrate our hero, and once again, our foes will envy the legendary Kobe Bryant.”
Ang five-time NBA champion at 18-time All-Star ang franchise leader ng Lakers.
- Latest