Magandang pagtatapos ng Cocolife
MANILA, Philippines - Sinamantala ng Cocolife ang maluwag na depensa ng baguhang Cherrylume para maitala ang 25-22, 25-16, 25-19 panalo kahapon sa Philippine Superliga (PSL) All-Filipino Conference sa Baliwag Star Arena sa Bulacan.
Nagningning ang performance ni Michelle Gumabao para Asset Managers sa pagtatapos ng kanilang kampanya sa preliminaries.
Ang panalo ang ikalawa ng Cocolife’ sa anim na laban upang tumapos na pangatlo sa Pool D. Makakatapat nila ang Cignal sa do-or-die quarterfinal bukas. Nalasap naman ng Cherrylume ang ika-anim na sunod nilang pagkabigo at makatunggali nila ang topseed Futon sa quarterfinals .
Nagdeliver si Gumabao, ng 10 kills at isang ace na sinundan ni Shannen Palec na may 9 na puntos upang pamunuan ang Asset Managers.
Hindi pinalagpas ng Cocolife ang malam-yang laro ng Cherrylume’ at pinaulanan ito ng 34 na hits kumpara sa 19 lamang ng huli bukod pa sa 32 puntos na nagawa nila mula sa errors ng mga ito.
“We’re still working on our communication inside the court,” ani Gumabao,.“We had some lapses in our communication in our past few games. I hope we could resolve that now that we’re entering the quarterfinals. We still have a lot of things to work on.”
Nanguna naman para sa koponan na binubuo ng mga manlallaro ng University of the East, si team skipper Mary Ann Mendrez na may 11 puntos.
Habang sinusulat ang balitang ito ay nag-lalaban pa ang Cignal at Generika-Ayala sa ikalawang laro kagabi bilang pagtatapos ng ikalawang round. ng torneong ito. FML
- Latest