Daquis nagbitiw sa national team
MANILA, Philippines - Dahil sa kanyang pag-aaral ay napilitang umalis si Rachel Anne Daquis sa national wo-men’s volleyball team na sasabak sa 29th Southeast Asian Games sa Agosto 19-30 sa Kuala Lumpur, Malaysia.
Sinabi ni Daquis, isa sa dalawang reserve players ng national team, sa kanyang sulat kay LVPI vice-president Peter Cayco na ang kanyang stint sa Philippine squad ay magkaka-salungat sa iskedyul ng kanyang specialized training course na kuku-nin niya simula sa buwan ng Agosto.
“I would like to regretfully inform you that I may not be able to fulfill my duties in the upcoming league as I just found out recently the competition schedule of the Southeast Asian Games will be in direct conflict with my decision of pursuing specialized training course that will start this August 7, 2017,” ani Daquis.
Sinabi ni national head coach Francis Vicente na ipapalit niya kay Daquis si La Salle player Kim Dy.
Si Dy ay kasama sa 18-woman training pool, ngunit hindi nakapasok sa Last 12 na tutungo sa Kuala Lumpur para sa SEA Games.
“Syempre very happy. Masaya ako kasi nakabalik siya (Dy). Alam kong nagpaalam siya sa LVPI pero as of now hindi ko masasagot ‘yan,” ayon kay Vicente.
Ang women’s team ay magtutungo sa Japan sa Hulyo 17 hanggang sa Agosto 2 para sa kanilang preparasyon.
“We hope that ever-yone will learn from the Japanese brand of volleyball. We have talented players pero kailangan maranasan natin ng top caliber volleyball program,” ani Vicente sa koponang binubuo nina Mika Reyes, Alyssa Valdez, Jovelyn Gonzaga, Denden Laza-ro, Jaja Santiago, Rhea Dimaculangan, Maika Ortiz, Geneveve Casugod, Aby Maraño, Aiza Maizo-Pontillas, Ces Molina, Kim Fajardo at Dawn Macandili. (FC)
- Latest
