Westbrook 5-sunod na triple-double
Hindi napigilan si Russell Westbrook ng Oklahomrta sa kanyang dakdak sa laro kontra sa New Orleans.
OKLAHOMA CITY – Ilang linggo na ang nakakalipas ay tumulong si Michael Jordan na iluklok si Russell Westbrook sa Oklahoma Hall of Fame at tinawag ang kanyang sarili ng isang fan ng Thunder guard.
Ngayon ay si Westbrook ang naging unang player na naglista ng limang sunod na triple-doubles matapos ang pitong dikit ni Jordan noong 1989.
Kumolekta si Westbrook ng 28 points, 17 rebounds at 12 assists para ihatid ang Oklahoma City sa 101-92 panalo laban sa New Orleans Pelicans.
Naipanalo ng Thunder ang lima nilang sunod na laro sa likod ng limang triple-double ni Westbrook.
“I just play, honestly,” sabi ni Westbrook. “I don’t want to get in a conversation of if I’m going to do it every night. I just go out and compete at a high level every night, like I’ve been doing since I’ve been in the NBA.”
Naglista si Westbrook ng average na triple-double ngayong season sa kanyang mga output na 31.0 points, 10.8 rebounds at 11.3 assists sa 21 games.
Ito ang kanyang ika-10 triple-double sa season at pang-47 sa career niya.
“I just like to win, brother,” ani Westbrook. “Honestly, that’s the most important part. Making sure my guys are good, and making sure everybody’s happy with their games, and making sure we win the game.”
Nagdagdag si Enes Kanter ng 17 points at 10 rebounds kasunod ang 15 markers ni Victor Oladipo para sa Thunder.
Kinuha ng Oklahoma City ang 49-41 abante sa halftime kung saan nagtala si Westbrook ng 12 points, 9 rebounds at 6 assists.
Ang slam dunk ni Westbrook sa gitna ng third quarter ang nagbigay sa Thunder ng 57-47 patungo sa 78-66 paglayo sa Pelicans papasok sa fourth quarter.
- Latest
