Pahirap sa commuters ang MRT
Ako po ay laging sumasakay sa Metro Rail Transit (MRT) araw-araw at madalas na pong nagkakaroon ng aberya. Madalas na ang pagtirik at walang magawa ang katulad kong commuter kundi bumaba at lumipat sa ibang train.
Akala ko nang magkaroon ng bagong Presidente ay mababago ang nararanasang kalbaryo sa MRT. Pero lalo pa yatang sumama ang sitwasyon. Kung hindi tumitirik ay bumubukas ang pinto na lubhang delikado. Kung minsan naman ay biglang nagpepreno dahilan para masubsob ang mga pasahero.
Noong nakaraang linggo ay sunud-sunod ang aberya ng MRT at nagtambak na naman ang mga tao sa station. Sana naman masolusyunan na ni DOTr Sec. Tugade ang nasisirang MRT. — NELSON SILVA, Pag-asa, Quezon City
- Latest