Parak timbog sa P500K shabu
MANILA, Philippines – Isang bagitong pulis at dalawa nitong kasama ang nadakip ng mga otoridad sa isang buy bust operation at nasamsam ang nasa P500,000.00 halaga ng shabu na naganap kamakalawa sa Cebu City.
Ang mga nasakoteng suspek ay kinilalang sina PO1 Gem Querubin, 33, nakatalaga sa Station 11 ng Cebu City Police; Sharon Abella, 32 at Chas Elnond Chavit, 23.
Batay sa ulat, bago nagsagawa ng buy bust operation ang mga pulis, dakong alas-11:15 ng gabi sa Sitio Pailob, Brgy. Sambang 2 ng lungsod ay nakatanggap ng impormasyon ang PRO 7 at Philippine Drug Enforcement Agency (PDEA) 7 hinggil sa illegal na aktibidades ng nasabing mga suspek na aktibo sa pagtutulak ng droga at agad isinailalim sa surveillance operation.
Nang makumpirmang positibo ang impormasyon ay isinagawa agad ang buy bust operation na nagresulta sa pagkakadakip sa mga suspek.
Nasamsam ang dalawang malalaking balot ng shabu na tumitimbang ng 50.32 gramo na nagkakahalaga ng P 593,776.00.
- Latest
