LeBron trading card aabot sa $200K?
MANILA, Philippines – Karaniwan sa Amerika ang pagkokolekta ng mga baseball at basketball trading cards na bumibenta ng libu-libu, daang-daang libo at ang iba ay umaabot pa ng milyong dolyar.
Karaniwang ibinibenta ang mga baseball cards at iba pang trading cards at ino-auction o subasta.
Kapag lumang-luma na o matagal na matagal na ang baseball card, mas mahal tulad ng baseball card ng alamat nang si Honus Wagner.
Ngunit may trading card na inaasahang mabebenta ng higit sa $200,000 sa gaganaping subasta pero ang kaibahan nito ay naglalaro pa ang player.
Ito ay ang basketball card ni LeBron James na lumabas noong rookie pa siya.
‘Di maikakailang si LeBron ang all-time great basketball player ngunit may mga kontra sa sobrang mahal ng basketball card na lumabas noong 2003
Tinawag ng Sports memorabilia expert na si Ken Goldin ang LeBron card na “the Holy Grail of modern trading cards.”
May mahigit isang linggo pa bago idaos ang auction pero ang bidding ay umabot na sa $65,000.
Espesyal ang card na ito dahil hindi lang ito simpleng basketball card o ordinary rookie card dahil may pirma ito ni LeBron James.
Mayroon din itong patch ng NBA logo mula sa jersey ni LeBron. Kaya hindi lang ito basta basketball card kungdi ito ay “most valuable LeBron James collector’s item’ na mas mataas pa ang value sa may pirmang game-worn jersey. (Source: Via Cleveland.com, goldinauctions.com)
- Latest