St. Clare namuno sa NAASCU

MANILA, Philippines – Dumiretso ang St. Clare College-Caloocan City sa kanilang ikatlong sunod na panalo matapos dispatsahin ang University of Pasay,  88-65, sa 16th  NAASCU  men’s basketball tournament sa RTU gym sa Boni Ave., Mandalu-yong City. 

Ang Saints, hangad mabawi ang koronang kanilang inangkin no-ong 2012,  ay muling na-kahugot ng all-around game kina Rafael Rebugio at Aristotle Dionisio para gibain ang Eagles at ilista ang 3-0 baraha sa 14-team  competition.

Tumapos si Rebugio na may 19 points, habang may 12 markers si Dionisio para sa Caloocan City-based team na nauna nang nanaig laban sa AMA University, 82-67, noong Agosto 25,  at sa Philippine Merchant Marine School, 85-62, noong Agosto 29.

Nagtala ang Saints ni coach Jinino Ma-nansala ng average na 20.3 points a game sa kanilang tatlong sunod na panalo.

Nag-ambag naman si Michael De Leon  ng 10 markers para sa St.  Clare.

Umiskor sina Edgar Erice, Jr. at  Francis Macasil ng 17 at 11 points, ayon sa pagkakasunod.