Japan Racing Assn. Cup lalarga sa Metro Turf

MANILA, Philippines - Inihayag na ng Metro Turf Club dito sa Malvar-Tanauan, Batangas ang mga kalahok sa gaganaping Japan  Racing Association Cup na itinakda sa darating na Setyembre 4.

Ang mga nominadong entries ay ang Xen Young, Tapped It, Kundiman, Guanta Na Mera, Graf, Fun Day Fest, Fighting Back, Double Rock, Creative, Constantinople, Brennero, Blowby, Bite My Dust, Aerial at Absolute Resistance.

Sa isang milya ang labanan at may kabuuang papremyong P500,000. Sa kampeon ay mayroong P300,000 samantalang sa runner up ay P112,500. Para sa kabayong papangatlo ay P62,500 at P25,000 naman sa ikaapat na puwesto. Mayroong P15,000 breeder’s purse.

Sa karerahan ng Saddle & Club Leisure Park sa Santa Ana Park, Naic Cavite ay idaraos ang unang yugto ng Juvenile Fillies/Colts stakes race sa Agosto 28.

Tatakbo sa 1,200 meter distance ang mga no-minadong kalahok na Divine Dancer, Goddess Of Love, Modulator, Stravinsky, Tap Charmer at White Chocolate.

Mas malaking papremyo ang inilaan ng Philippine Racing Commission (PHILRACOM) na uma-bot sa isang milyong piso.

Ang magwawagi ay tatanggap ng premyong P600,000 at sa runner-up ay P225,000. Ang third placer ay mayroong P125,000 samantalang sa fourth placer ay P50,000. Ang breeders purse ay P30,000. (JMacaraig)