Problemado rin ang Taipei sa bagong FIBA Format
TAIPEI – Kagaya sa Samahang Basketbol ng Pilipinas, malaking problema rin sa Chinese Taipei basketball federation ang pagbabago ng ca-lendar at schedule ng bagong qualifying system para sa susunod na FIBA World Championship.
Nagtakda ang FIBA ng apat na window period sa loob ng isang taon simula 2017 para doon magbakbakan via home-and-away format ang mga national teams na maghahangad makarating sa 2019 World Championship sa China.
Masakit sa ulo ito sa Pilipinas dahil sa conflict ng FIBA sked sa PBA season. Ibig sabihin nito, lalong mahihirapan ang national team na kumuha ng players mula sa PBA.
Ganito rin ang problema ng Chinese Taipei. “Actually we have a much bigger problem because most of our biggest stars are playing in the Chinese League, some are playing in US collegiate basketball and of course others come from our very own Super Basketball League. It would be harder to gather them to play in the FIBA tourneys now,” sabi ng isang Taipei cage official.
Sa kasalukuyang Jones Cup nga lang, marami ng matandang Taiwanese stars ang nag-beg off na lumaro kasama na si 2013 FIBA Asia Championship Mythical Team awardee Lin Chih Chieh at longtime Taipei star center Tseng Wen-ting.
Sa likod ng mga bagay na ito, pursigido pa rin ang Chinese Taipei sa paghahanda para sa future international competitions. Kasama dito ang pag-recruit ng dalawang foreign big men sa katauhan nina 6-foot-10 American John Richard Florveus at 6-foot-11 African Sarr Cheikh Ahmadou Bamba Mbacke. Parehong nasa lineup ng Chinese Taipei B ang dalawa sa kasalukuyang Jones Cup.
Ang luma nilang naturalized player na si Quincy Davis naman ay patuloy pa ring lumalaro sa kanilang Team A.
Sa pamamahinga naman ni Lin at Tseng, may lumutang nang bagong Taiwanese hotshot sa katauhan ni Liu Cheng – ang biggest draw sa 38th Jones Cup.
* * *
Nakakalungkot ang kalagayan natin dahil hindi tayo makapagpatakbo ng dire-diretsong national team program.
Hindi available ang Gilas Pilipinas at ang Gilas cadet, kaya ang Mighty Sports Apparels ang representative ng Pilipinas sa 38th Jones Cup, binubuo ng pitong locals at pitong reinforcements.
Bukod sa home team, ang Iran, Korea, Japan, India at Egypt ang nakapagpadala ng national team sa annual invitational tournament ng Chinese Taipei cage federation.
- Latest
