NBA player patay sa pamamaril
DALLAS - Napatay sa isang pamamaril si New Orleans Pelicans guard Bryce Dejean-Jones matapos pasukin ang isang Dallas apartment, noong Sabado ng umaga.
Natutulog ang isang lalaki sa kanyang apartment nang marinig niya ang pagsipa ng 23-anyos na si Dejean-Jones sa kanyang pintuan, ayon kay Dallas Police Senior Cpl. DeMarquis Black.
Nang simulang sipain ni Dejean-Jones ang bedroom door ay kumuha ang residente ng handgun at binaril ang NBA player.
Binisita ni Dejean-Jones ang kanyang nobya para sa kaarawan ng kanilang anak.
Bumalik ang kanyang nobya sa apartment at nagpahangin sa labas si Dejean-Jones.
Nakatira ang babae sa fourth floor at nagtungo si Dejean-Jones, binisita ang complex sa unang pagkakataon, sa third floor.
“He went to the wrong apartment unfortunately and I think he thought his girlfriend locked him out, so he was knocking on the door, banging on the door, it’s locked,’’ wika ni Nichols.
“So one thing led to another,” dagdag pa nito.
Legal sa Texas na gamitin ng isang residente ang kanyang baril kung may magpipilit na pumasok sa kanyang bahay.
- Latest
