Galang, Rosario siguradong lulutang sa PSL Draft

MANILA, Philippines - Babanderahan nina reigning UAAP champion Ara Galang ng La Salle at dating NCAA Best Attacker CJ Rosario ng Arellano ang Annual Rookie Draft ng Philippine Superliga (PSL) ngayon sa Music Hall Oval Venue sa SM Mall of Asia sa Pasay City.

Kabuuang 16 rookie aspirants ang pagpipi-lian ng mga PSL team sa event na isasaere ng TV5 simula alas-5 ng hapon.

Una nang sinabi ng 21-anyos na si Galang, dating UAAP Most Valua-ble Player, na gagawin niyang prayoridad ang kanyang pag-aaral kasabay ng pagpapagaling sa isang knee injury.

Ngunit nagbago ang isip ni Galang at nagpakita sa Rookie Camp noong Martes sa FilOil Flying V Center.

Umaasa si Galang, sinasabing hihirangin bilang No. 1 overall pick, na makakapaglaro siya sa F2 Logistics na kinabibila-ngan nina Mika Reyes, Cyd Demecillo, Kim Fajardo, Kim Dy at iba pang mga dating mi-yembro ng La Salle Lady Spikers.

Maliban kay Galang, posible ring mapili si Rosario, isang 6-foot-1 middle blocker na naglaro sa PSL kung saan niya natulungan ang Petron na makapasok sa semifinals sa pre-season tournament noong Abril.

Ang RC Cola-Army ang nagmamay-ari ng top overall pick at pinagpipi-lian sina Galang at Rosario.

“Both of them are very good. They are the rising stars in this league,” wika ni RC Cola-Army coach Kungfu Reyes. “But we haven’t sat down to discuss our draft choice. This is a very crucial decision. We have to do a lot of research and studying before coming up with a choice.”

Sinabi naman ni PSL president Ramon Suzara na magiging dramatiko ang draft dahil sa pagpapatupad ng three-day trading period.

“We don’t know who will end up with whom,” sabi ni Suzara, isang exe-cutive council member ng FIVB at may posisyon sa AVC.

“For now, RC Cola-Army owns the top overall pick. But we may not know in the next hours. Maybe they have already traded their pick to ano-ther team to has acquired a veteran who can help them win another title. Let’s wait until the draft proper.”

Bukod kina Galang at Rosario, ang iba pang inaasahang mahuhugot sa first round ay sina dating Arellano stalwarts Danna Henson, Shirley Salamagos at Angel Legacion, Asi Soli-ven ng National University, Mary Grace Berte ng Holy Cross of Davao at sina Marlyn Llagoso at Jerra Mae Pacino ng Southwestern University ng Cebu.

Nasa pool din sina Renelyn Raterta ng University of Mindanao, Jonah Sabete ng Bulacan State University, Gen Casugod ng Far Eastern University, Sheryl Laborte ng University of Negros Occidental, Lourdes Patilano ng Adamson University, Sarina Bulan ng University of the East at Christine Suyao ng Emilio Aguinaldo College.

Matapos ang RC Cola-Army ang susunod namang pipili ay ang Generika, Perpetual, Standard Insurance-Navy, F2 Logistics, Cignal, Petron at Foton, nakamit ang PSL Grand Prix crown noong 2015.