Thunder puro na
OKLAHOMA CITY — Nagsumite si Russell Westbrook ng triple-double sa kanyang 36 points, 11 rebounds at 11 assists para pangunahan ang Thunder sa 118-94 paggupo sa Golden State Warriors sa Game 4 at kunin ang 3-1 bentahe sa Western Conference Finals.
Ito ang unang triple-double ni Westbrook sa playoffs makaraang magtala ng 18 sa regular season.
“I play every game like it’s my last, regardless of who’s in front of me,” sabi ni Westbrook. “That’s my job and my job is to worry about my team and that’s all I do.”
Nagdagdag naman si Kevin Durant ng 26 points at 11 rebounds para sa Oklahoma City.
Nalasap naman ng Golden State, nagposte ng league record 73 panalo sa regular season, ang kanilang ikalawang dikit na kabiguan sa unang pagkakataon ngayong season.
Kailangang makuha ng Warriors ang Game Five sa Huwebes sa Oakland para pigilan ang Thunder sa pagpasok sa NBA Finals.
“The good news is, we go home. Obviously we play well at home. The idea now is to go home and get one win. Do that, and we put some pressure on them and we’ll see what happens,” sabi ni coach Steve Kerr.
Pinamunuan ni Klay Thompson ang Golden State sa kanyang 26 points, samantalang naglista si two-time league MVP Stephen Curry ng 19 points mula sa 6-for-20 shooting.
Tumapos si Draymond Green, pinagmulta dahil sa paninipa kay Steven Adams sa Game Three, na may 6 points, 11 rebounds at 6 turnovers.
May dagdag na produksyon si Andre Roberson, ang player na ilang beses inisnab ng Warriors sa serye, na career-high na 17 points at 12 rebounds.
Matapos kunin ang 30-26 abante sa first quarter ay kinontrol ng Oklahoma City ang second period kung saan nila iniwanan ang Golden State sa 56-43.
Tinapos ng Thunder ang first half bitbit ang 72-53 kalamangan kung saan nagtala si Westbrook ng 21 points, 9 assists at 5 rebounds, habang kumamada si Durant ng 18 points at 6 boards.
- Latest
