BVP National Championships hahataw na

MANILA, Philippines – Unti-unti nang lumalakas ang beach volleyball sa bansa dahil sa ilang mga ligang inoorganisa at ang pinakamalaki dito ay ang Beach Volleyball Republic (BVR).

Idaraos ng BVR ang National Championships sa Huwebes at Biyernes sa Sands, SM by the Bay sa Mall of Asia, Pasay City.

Nalagay sina Soriano at Alexa Micek sa Pool A kasama sina Jennifer Cosas ng University of Negros Occidental-Recoletos at Floremel Rodriguez ng Southwestern University, ang magkapatid na Maria Nieza at Maria Jeziela ng San Beda at guest team nina Ivee Ilao at Tatiana Sabilan.

Nasa Pool B naman sina Judy Caballejo at Amma Camille Abanto ng UST, Dhannylaine Demontano ng Central Phl U Iloilo at Jusabelle Brillo ng University of San Agustin, Rhea Fermilan at Javen Sabas ng PUP at Therese Rae Ramas at Janelle Cabahug ng Southwestern.

Ang Pool C ay binubuo nina Jonafer San Pedro at Jessa Aranda ng Rizal Technological U, Bea Tan at Fiola Ceballos, Cherilyn Sindayen at Rainne Fabay ng Lyceum at Lourdilyn Catubag at Karen Kay Quilarion ng University of the Mindanao-PNP.

Maglalaro sa Pool D sina Dzi Gervacio at Michelle Morente, Apple Saraum ng USPF at Jusabelle Brillo, Issa Molde at Diana Carlos ng UP at Bernadette Pons at Kyla Atienza ng FEU.

Ang top two teams ang aabante sa playoff round.

Ang mananalo sa National Championships ay tatanggap ng P100,000 at ang second, third at fourth placers ay magbubulsa ng P70,000, P40,000 at P20,000, ayon sa pagkakasunod.

Ang BVR na naglalayong i-promote ang beach volleyball sa buong bansa ay nagdaos ng legs sa Boracay, La Union, Negros Occidental, Cagayan at Bayawan bilang panimula ngayong season.