Triple Crown test idinaos sa Sta. Ana
MANILA, Philippines – Dalawang karera ang ginawa para magsilbing dry-run para sa gaganaping Triple Crown stakes race na sisimulan sa Mayo 15 sa Santa Ana Park sa Naic Cavite.
Naganap sa unang karera para sa mga three year old handicap-3 at ang mga sumali ay ang Charlord, Contessa, Secret Kingdom, Yes Kitty, Super Ecstatic at Mahayana Budur.
Sa karerang ito ay pinatok ng mga racing experts ang Secret Kingdom na pinatungan ni Jeffrey T. Zarate.
Hindi naman nabigo ang mga backers nito nang magwagi ang kabayo sa 1,600 metro distansiyang karera.
Sa ganitong distansiya ang unang yugto ng triple crown kaya dalawang karera na para sa mga three year old horses ang nailarga.
Ang ikalawang karera ay para sa mas mataas na grupo dahil ito ay merging ng handicap-4/5/6.
Katulad sa naunang karera ay may pinatok rin ng mga clockers ang Dance Again na si Mark A. Alvarez ang namatnubay.
Sumablay si Dance Again na pang-apat lang kung saan ang nagwagi ay ang malayong third choice na si Subterranean River na dinala ni Antonio B. Alcasid Jr.
Nasegundo pa rito si Real Flames ni R.G. Fernandez bago ang coupled runner na Subterranean River na si Mount Iglit.
Ang Secret Kingdom at Dance Again ay matunog na panlaban para sa Triple Crown. Ang Secret Kingdom ay nangibabaw sa kanyang grupo, samantalang ang Dance Again ay napalaban ng husto.
Sa kaagahang bahagi pa lamang ng karera ay nagbigay na ng matinding hamon ang Most Trusted kung kaya’t pinangapusan ito sa pagsungaw ng rekta.
Sa tiyempo ay hindi gaanong impresibo ang 1:45.6 clockers para sa milyang distansiya.
- Latest