UP asam ang double title sa UAAP football

MANILA, Philippines – Magaganap ang “Battle of Katipunan” ng UAAP Season 78 Men’s Football Finals ngayong hapon sa Rizal Memorial Stadium sa paghaharap ng UP Fighting Maroons at Ateneo Blue Eagles.

Hangad ng UP na makamit ang double championship sa football sa kanilang pagsabak sa men’s finals na mag-uumpisa sa ganap na 5:30 ng hapon matapos ang women’s football finals sa pagitan ng UP at DLSU sa ganap na alas-3:00 ng hapon.

Gagawing motivation ng Fighting Maroons para sa men’s finals ang pagpanaw ng defender na si Rogie Maglinas dahil sa kanser sa skeletal muscles noong Enero.

“Sana nandito siya ngayon,” pahayag ni UP coach Anto Gonzales. “The boys have been confident since Day 1.”

Batid naman ng Ateneo coach na si JP Merida na mahihirapan sila sa laban kontra sa UP Maroons.

“UP is a very organized, in defending and attacking,” pahayag ni Merida. “Since this is the last game, we need to give our all, our best.” (FML)