Hawks pinatalsik ang Celtics sa 1st round
BOSTON -- Ito na ang pinakamagandang regular season ng Atlanta Hawks sa kanilang franchise history matapos matalo sa Cleveland Cavaliers sa nakaraang Eastern Conference finals.
Muli silang magkakaroon ng tsansang resbakan ang Cavaliers sa second round ng NBA playoffs.
Umiskor si Paul Millsap ng 17 points at humakot ng 8 rebounds para pangunahan ang Hawks sa second round sa bisa ng 104-92 panalo sa Celtics sa Game 6 ng kanilang serye.
Nagdagdag sina Al Horford at Kent Bazemore ng tig-15 points para sa Hawks, nakamit ang una nilang playoff series win laban sa Boston sapul nang gibain ng St. Louis Hawks ang Celtics noong 1958 Finals.
“Good to finally beat them,” sabi ni Hawks point guard Jeff Teague, miyembro ng Atlanta noong 2012 na natalo sa Boston sa first round. “It feels good.”
Sasagupain ng Hawks ang Cavaliers sa second round na magsisimula sa Lunes sa Cleveland.
Ito ang ikatlong sunod na nasibak ang Boston sa first round ng playoffs.
Nagmula sa 27-point win sa Game 5, sinamantala ng Hawks ang malamyang shooting ng Celtics kung saan sila nakapagtayo ng 28-point lead.
Tuluyan nang pinalaki ng Atlanta ang kanilang kalamangan sa Boston sa pagpoposte ng 39-point advantage sa third quarter.
“I think we learned from before with this team that no lead is safe,” sabi ni Horford. “To start the third it was important for us to get off to a good start and just keep attacking and have that mentality of keep attacking play after play.”
“I felt we did that consistently in the third and that was the big difference,” dagdag pa ng sentro.
Nakalapit ang Celtics sa 10 points, ngunit isinara na ng Hawks ang pintuan ng kanilang pag-asa.
Pinamunuan ni guard Isaiah Thomas ang Boston sa kanyang 25 points, ngunit halos ang karamihan dito ay iniskor niya sa second half.
Nagdagdag si forward Jae Crowder ng 15 points para sa Boston.
Sa kabuuan ng laro ay ang Hawks ang nakinabang sa kawalan ng kontrol ng Celtics.
Naglaro ang Celtics sa second half na wala si Crowder.
- Latest