Bunutan para sa AVC Women’s Club Championships

MANILA, Philippines – Isang mataas na opisyal ang bibisita sa bansa para sa bunutan na nakatakda sa Miyerkules sa Foton Showroom sa Quezon City kaugnay sa idaraos na Asian Volleyball Confede- ration (AVC) Asian Wo-men’s Club Championship.

Sina AVC technical delegate Jaksuwan Tocharoen at AVC marketing and development committee chairman Ramon Suzara ang mangangasiwa sa se-remonya na dedetermina sa mga koponang hahatiin sa pool play sa preliminary round ng torneo.

Ito ang ikalawang sunod na pagkakataon na pamamahalaan ng Larong Volleyball sa Pilipinas, Inc. (LVPI) ang isang Asian tournament matapos kila-lanin bilang national association ng Pinas para sa volleyball noong nakaraang taon.

“We thank the LVPI, through its president Mr. Joey Romasanta, for throwing its full commitment to our mission of bringing the Philippines back in the international volleyball map,” sabi ni Suzara, ang presidente ng Philippine Superliga (PSL). “We may not win the title right away, but we’re glad that we’re on the right track as far as getting back to the international arena is concerned. I believe that hosting this kind of tournament will fast track our return to international prominence.”

Bukod sa Asian U23 Women’s Championship, lumahok din ang bansa sa AVC Asian Seniors Wo-men’s Championship sa China, sa 28th Southeast Asian Games sa Singapore, sa AVC Asian U23 Men’s Championship sa Myanmar, sa AVC Asian Women’s Club Championship sa Vietnam at sa AVC Asian Men’s Club Championship sa Taipei.