Teams-to-beat pa rin ang Texters at Beermen

MANILA, Philippines – Tumatayo pa ring paborito ang mga bigating koponan at mga dating nagkampeon na mangi-babaw sa darating na 2016 PBA Commissioner’s Cup na magbubukas sa Miyerkules sa Smart Araneta Coliseum.

Determinado ang Talk ‘N Text na maipagtanggol ang kanilang titulo, habang hangad naman ng San Miguel Beer na maghari sa pangatlo nilang komperensya.

Ngunit hindi pa rin dapat balewalain ang lakas ng Alaska Milk, Rain or Shine, Barangay Ginebra at Star.

“The top six in the all-Filipino will still be there. The Star Hotshots in their second conference with coach Jason (Webb) will be the dark horse,” sabi ni San Miguel coach Leo Austria.

Kagaya ni Austria, naniniwala rin si Rain or Shine mentor Yeng Guiao na mas magiging matibay ang Barangay Ginebra Kings at Star Hotshots matapos ang kanilang ipinakita sa nakaraang Philippine Cup.

“Ginebra will improve this conference as the last tournament was just like a break-in for the team under coach Tim Cone. They will now figure prominently in the battle,” sabi ni Guiao sa Kings na sinibak ng Globalport Batang Pier sa quarterfinals.

“Star with Denzel Bowles, pwede rin,” said Guiao. “The talent in that team is there. Basically, it’s just a matter of getting used to their new coach and new system. Once they settle down, the ability and the potential of the team will come out. The first conference was just feeling out. They can now be judged on their true worth.”

Inaasahan ding magbibigay ng magandang laban ang Globalport sa pangunguna nina Terrence Romeo at Stanley Pringle makaraang tumapos sa pang-apat na puwesto sa nakaraang Philippine Cup.

Maski sino naman sa NLEX, Meralco, Blackwater, Mahindra at bagitong Phoenix Petroleum ay maaring umagaw ng eksena lalo na kung makakakuha sila ng ma-galing na import para sa mid-season tourney na nagtatampok sa mga reinforcements na may maximum ceiling na 6-foot-9.

Unang makakalaban ng TNT ang Blackwater sa alas-4:15 hapon kasunod ang bakbakan ng Star at Meralco sa alas-7 ng gabi sa Miyerkules sa Big Dome.

Ang 12 teams ay sasabak sa isang one-round-robin elimination play kung saan ang top eight ay aabante sa playoffs. (NB)