Puno ng aksiyon ang PSL Invitationals

MANILA, Philippines – Makakatambal ni Gretchel Soltones si Dangie Encarnacion para idepensa ang kanilang women’s title sa 91st NCAA beach volleyball tournament na nakatakda sa Feb. 10-15 sa Broadwalk ng Subic Bay Free Port Zone sa Zambales.

Sabik na si Soltones, nagbida noong nakaraang taon sa Subic,  na bumalik sa sandcourt para sa kanyang hanga-ring maibawi ang Lady Stags sa masaklap na pagkatalo sa St. Benilde Blazers sa indoor volleyball finals.

“She will play,” sabi ni San Sebastian coach at athletic director Ro-ger Gorayeb patungkol sa power-hitter na si Soltones,  back-to-back NCAA MVP sa indoor volleyball at reigning MVP sa beach volley.

Sinabi ni Gorayeb na si libero Alyssa Eroa ang magiging reserve player ng San Sebastian.

Katabla ng San Sebastian sa kasalukuyan ang Perpetual Help  sa paramihan ng women’s title na tig-apat sapul nang laruin ang sport na ito 14-taon na ang nakakaraan.

Gayunpaman, inaasahang magbibigay ng mahigpit na hamon ang Lady Altas sa Lady Stags sa pamamagitan nina Jam Suyat at Vhima Condada.

Idedepensa naman ng St. Benilde ang kanilang men’s crown sa torneong inorganisa ng host Jose Rizal sa pangunguna ni Paul Supan katulong ang The Lighthouse, Bayfront Hotel, Subic Park Hotel, Moonbay Villas, LGR, Mikasa, SBMA at ABS-CBN Sports and Action.