Lady Eagles nakahirit ng rubber match vs Lady Archers para sa finals ticket
Laro Sa Sabado (Smart Araneta Coliseum)
10 a.m. Ateneo vs La Salle (Semis)
MANILA, Philippines – Kumamada si Hazelle Yam ng 19 points para pagbidahan ang Ateneo Lady Eagles sa 55-53 pagtakas laban sa karibal na La Salle Lady Archers sa kanilang step-ladder semifinals para makapuwersa ng ‘rubber match’ sa ikalawang finals ticket sa 78th UAAP women’s basketball tournament kahapon sa Mall of Asia Arena sa Pasay City.
Ang mananalo sa naturang ‘do-or-die’ match ng Ateneo at La Salle sa Sabado sa Smart Araneta Coliseum ang maghahamon sa nagdedepensang National University, may bitbit na ‘thrice-to-beat’ advantage matapos iposte ang 14-game sweep sa eliminations, sa best-of-three championship series.
Nagdagdag si Jolina Go ng 11 markers para sa panalo ng Lady Eagles na humakot ng 22 points sa third period kasabay ng paglimita sa Lady Archers sa 8 points.
Nauna nang nagtayo ang Lady Archers ng isang 11-point lead sa second quarter hanggang maagaw ng Lady Eagles ang 47-44 bentahe sa pagtatapos ng third period.
Naimintis naman ni Allyanna Ong ang kanyang jumper sa huling posesyon ng Lady Archers na nagtulak sana sa kanilang laro ng Lady Eagles sa overtime.
ATENEO 55 - Yam 19, Go 11, Jose 6, Javier 6, Tomita 6, Guytingco 4, Aseron 3, Buendia 0, Nitorreda 0, Deacon 0.
La Salle 53 - Penaranda 12, Abaca 11, Roxas 7, Vergarra 5, Dagdagan 4, Castillo 4, Ong 4, Claro 4, Revillosa 2, Vela 0, Gonzales 0, Arciaga 0.
Quarterscores: 11-16; 25-36; 47-44; 55-53.
- Latest
