Ex-PBA import pumirma sa Heat
MIAMI – Inihayag ng Miami Heat ang kanilang pagpapapirma kay forward Henry Walker para sa ikalawang 10-day contract.
Nakita si Walker, orihinal na pinalagda sa 10-day contract ng Heat noong Feb. 21, sa limang laro ng Miami ngayong season at nagtala ng mga ave-rages na 9.4 points, 3.2 rebounds, 1.0 assists at 24.7 minutes.
Umiskor si Walker ng double-figures sa apat sa limang laban at nagsalpak ng magkakasunod na three-point baskets, ang isa ay sa huling 22.4 segundo at ang ikalawa ay sa natitirang 2.1 segundo para itulak ang laro sa overtime na ipinanalo ng Heat laban sa Orlando Magic, 93-90 noong Feb. 25.
Naglaro si Walker sa 17 games para sa NBA Development League affiliate ng Heat na Sioux Falls Skyforce kung saan siya nagposte ng mga averages na 15.1 points, 3.9 rebounds, 1.5 assists, 1.00 steals at 27.8 minutes.
Si Walker, naglaro para sa Alaska Aces sa PBA noong nakaraang taon ay ang second round (47th overall) ng Washington Wizards noong 2008 NBA Draft.
Ang four-year NBA veteran ay may 162 career NBA games (23 starts) at may average na 5.9 points at 2.1 rebounds sa 15.5 minutes na pagla-laro at may 46.2 percent shooting mula sa field.
- Latest
