SBC Spikers dumiretso sa 6-0 record
MANILA, Philippines - Muling nagpamalas si Gretchel Soltones ng impresibong performance para pangunahan ang San Sebastian sa 25-12, 25-18, 17-25, 25-14 panalo kontra sa Emilio Aguinaldo sa 90th NCAA volleyball tournament sa The Arena sa San Juan City kahapon.
Nagtala si Soltones ng match high na 28 hits kabilang ang 27 sa attacks para sa ikaanim na sunod na panalo ng Lady Stags tungo sa solo lead.
Iginupo naman ng Jose Rizal ang San Beda, 25-16, 25-16, 25-18 para sumulong sa 3-3 (win-loss) record.
Samantala, magsisi-mula ngayon ang football action sa Rizal Memorial pitch kung saan haharapin ng reigning three-peat champion San Beda ang Perpetual Help sa alas-8:00 ng umaga.
Paboritong manalo ang Lions matapos magtala ng three-peat.
Maghaharap din ang Arellano University at Mapua sa alas-10 ng umaga na susundan ng laban ng Lyceum at Emilio Aguinaldo College sa alas-12 ng tanghali.
- Latest
