Bryant umiskor ng 26pts. sa panalo ng Lakers vs Jazz

LOS ANGELES – Umiskor si Kobe Bryant ng 26 points at nagdagdag si Carlos Boozer ng 19 upang ihatid ang Los Angeles Lakers sa 98-91 preseason win kontra sa Utah Jazz nitong Linggo ng gabi.

Si Boozer ay may 9-rebounds at anim sa 17 steals ng Lakers. Nakakuha ang Los Angeles ng 34-points sa 29 turnovers  ng Jazz at na-outscore din nila sa second-chance points, 17-8.

Umiskor din si Alec Burks ng 21 para sa Jazz na mayroon lamang isang field goal pagkatapos ng kanyang jumper, 5:16 minuto ang natitira. Si Enes Kanter ay may 14 points sa 38 minutes bago na-foul out sa huling 15.2 segundo ng laro.

Anim na beses nagkapalitan ng trangko sa fourth quarter bago nalagay ang Lakers sa 86-85 kalama-ngan sa hook shot ni  Ed Davis sa huling 4:50 minuto ng laro at ‘di na muling lumingon pa. Nagdagdag si Wayne Ellington ng dalawang free throws bukod pa sa 3-pointer na naglayo ng score sa 91-85, 2:50 minuto na lang ang natitira at tumulong si Bryant na iselyo ang panalo sa kanyang limang free throws sa huling 1:24 minuto ng laro.