Mas lalong gaganahan ang Gilas
SEVILLE -- Ang tatlong sunod na kabiguan ng Gilas Pilipinas ang maaaring nagpatibay sa kanilang kampanya sa FIBA World Cup.
Dahil dikit lang ang mga pagkatalo ng Gilas Pilipinas, ang kanilang isip nga-yon ay lalo pang lumaro ng husto sa mga susunod nilang laban sa Group B competition ng 2014 FIBA World Cup.
Nananatiling optimistiko si Gilas Pilipinas coach Chot Reyes na makakapasok ang Pinas sa 16-team knockout stage ng quadrennial meet matapos ang kanilang ipinakitang mga laro kontra sa Croatia, Greece at Argentina.
“Everybody’s beating everybody in the group,” sabi ni Reyes.
Ngunit sa pagkakaroon ng 0-3 record, kailangang manalo ang Nationals sa Puerto Rico ngayong gabi at kontra sa Senegal bukas para magkaroon ng tsansa sa knockout round-of-16. Ang pagkatalo ng Gilas sa Puerto Rico ang tuluyan nang sisibak sa kanila sa kontensiyon sa Group B.
Ang pagwalis sa kanilang huling dalawang laro ang magtatabla sa kanila sa Senegal sa No. 4 na magtatakda sa kanilang do-or-die game.
Ngunit mangyayari lamang ito base sa mga resulta ng susunod na mga laro.
“(We’ll go) all out,” sabi ni Gilas coach Chot Reyes. “For us, there’s no such thing as must-win. If we think of those must-wins, it will just detract us. We’ll just go all out every game, every possession.”
Naniniwala si Reyes na may pag-asa pa.
“From the start, we know it’s very hard to get to the second round, but it’s still wide open. Nobody is above 2-0. We win our next two games, we get two (games) as well,” ani Reyes. “But to get that (two wins), we need to win our next game. We need to get the one first. Hopefully, we’ll find it in our next game.”
- Latest
