Batang Gilas asam ang tiket sa quarters ng Under-18

MANILA, Philippines - Hangad ng Batang Gi­las na manalo sa tatlo ni­lang asignatura sa se­cond round para makapasok sa quarterfinals ng FIBA-Asia Under-18 Cham­pion­ship sa Al-Gha­rafa Gym sa Doha, Qatar.

Tumabla ang mga Pinoy cagers sa Malaysians sa ikatlong puwesto sa mag­katulad nilang 1-1 win-loss record sa ilalim ng China at South Korea na nagwalis sa first round.

Kasalukuyang nilala­ba­nan ng Batang Gilas ang Qatar (0-2) habang isi­nusulat ito at nakatakdang sagupain ang China bu­kas bago labanan ang Ma­laysia sa Linggo para sa pagtatapos ng second round.

Nanaig ang Batang Gi­las sa Jordan, 85-60, ngu­nit yumukod sa South Ko­rea, 69-87.

Sa naturang kabiguan sa Koreans ay napuwersa ang mga Pinoy sa 23 turnovers.

Inaasahang ba­bande­ra­han ni Ranbill Tongco, ang rookie ng San Beda Red Lions, ang kampanya ng Batang Gilas ma­ka­raang tumipa ng 24 points sa nasabing dalawang la­ro.