Millsap ipinasok sa US Team

LAS VEGAS -Idinagdag si Atlanta Hawks forward Paul Millsap sa Team USA para sa training camp na magsisimula sa Las Vegas, Nevada.

Nagtala si Millsap ng average na 17.9 points noong nakaraang season para sa Atlanta at napili sa Eastern Conference All-Star team. Inihayag din ng USA Basketball na hindi makakasali si Jimmy Butler sa training camp dahil sa isang groin injury.

Nauna nang umatras sina Kevin Love, Blake Griffin, LaMarcus Aldridge at NBA Finals MVP Kawhi Leonard sa training pool na huhugutan ng 12 players para sa FIBA World Cup sa Spain.