Clippers nagpalakas ng tsansa sa No. 2 seed

LOS ANGELES -- Hin­di maglalaro si Blake Griffin sa Portland kahit na bawiin ng liga ang kan­yang one-game suspen­sion matapos makamit ang ika-16 technical niya sa season.

Mananatili si Griffin sa Los Angeles para magpa­hinga kagaya ni J.J. Redick, habang isasa­ra ng Clippers ang regular season kontra sa Trail Bla­zers.

Inilista ng Clippers ang kanilang franchise-re­cord na ika-57 panalo ma­tapos kunin ang 117-105 tagumpay laban sa Den­ver Nuggets.

Umiskor si Griffin ng 24 points para sa Clippers.

“I’m very happy that we’re doing this stuff, but it’s not what we want,” sabi ni Clippers coach Doc Rivers.

Nagposte naman si Chris Paul ng 21 points at 10 assists, habang may 18 mar­kers si Redick para sa huling laro ng Clippers sa Los Angeles.

Humakot naman si cen­ter DeAndre Jordan ng 13 points at 16 rebounds.

Ang panalo ang nagpalakas sa paghahabol ng Clippers para sa No. 2 seed sa Western Confe­rence playoffs.

Kailangan nilang ma­nalo sa Portland at ipag­dasal na matalo ang Ok­lahoma City Thunder sa Detroit Pistons sa Miyer­kules para makamit ang second spot.

Ngunit kung hindi mangyayari ang mga ito ay mananatili silang third seed.

Ang pang-16 technical naman ni Griffin ay na­nga­nga­hulugan ng league-man­dated na one-game sus­pension.

“I honestly do,” ani Grif­fin. “It was one of those ones that was kind of a continuation. If I make a play on the ball and I hit the ball first, and he gives me a tech for that, I’m not sure if that’s going to stand up.”

Napatawan ng techni­cal foul si Griffin sa hu­­ling 3:23 minuto sa se­cond quarter.

Pinilit niyang agawin kay Timofey Mozgov ang bola na tinamaan niya sa ulo.

Pinamunuan ni Kenneth Faried ang Nuggets sa kanyang 21 points kasunod ang 19 ni Aaron Brooks, habang nagtala si Mozgov ng 18 points at 11 rebounds.

Sa New York, umiskor si Tim Hardaway Jr. ng 16 points para igiya ang Knicks, naglaro nang wala ang may injury na si Carmelo Anthony, sa 109-98 panalo kontra sa Brooklyn Nets.

Ipinagkait ng Knicks sa Nets na masikwat ang No. 5 seed sa Eastern Con­ference playoffs para sa kanilang ikatlong sunod na panalo.

Nagdagdag sina po­wer forward Ama­re Stou­demire at J.R. Smith ng tig-14 points para sa New York.