Cyber Criminals na mga Creative

Madali na ngayong magbayad sa online dahil sa Internet services at websites para bayaran ang bangko, bills, reservation, meralco, mag-shopping, at ma-trace ang trabaho. Puwede itong gawin kahit saang sulok ng mundo, wala nang limitas­yon para ma-access ang lahat ng information na mas kombinyente para sa lahat dahil sa Internet.

Mas madali na rin sa cyber criminals na pasukin ang online business at indibidwal sa pamamagitan ng Internet networks. Ang target ng mga kriminal ay ang ating pera na wala silang hindi gagawin para magtagumpay sa mission na nakawin ang ating mga pinaghirapang suweldo.

Ang Internet communication ay hindi na guaranteed ngayon na secure o walang error, o virus-free. Importante na huwag magbibigay ng account, credit card number, confidential information, o banking instructions thru e-mail. Mahigpit ang security standard ng mga bangko na hindi puwedeng magbigay ng unauthorized access; kaya ipagbigay alam agad kapag may reklamo o inquiries sa customer service ng inyong banko. Mag-ingat din sa mga scammers na creative sa kanilang pang-engganyo o pananakot na kunwari ay nagalaw ang pera mo sa bangko. Pagkatapos masagutan ang inyong credential para ma-confirm ang inyong identity o account saka gagamitin ng cyber criminal ang totoong bank account.

Mag-ingat sa technique ng mga wais na scammer, mag-install ng antivirus program para mabasa agad ang virus o fraud sa inyong email.