Respeto at Karapatan ng Bata

Kahit bata ay kailangan pa rin silang tratuhin bilang tao na may karapatan na irerespeto.

Kadalasan ang mga bata ay binibihisan ng magulang na basta na lang bibitbitin sa kung saan nina nanay o tatay.

Ipaalam naman sa bata kung saan kayo pupunta; sa opisina, mall, o anong lugar.  Kaya tuloy boring na boring ang bata na hindi man lang siya nakapaghanda na magdala na crayons, libro, o laruan para habang naghihintay ay mayroon ding ginagawa ang anak.

Bigyan din ng kalayaan ang anak na siya mismo ang mamili ng damit na isusuot niya. Pero kadalasan ay parang nagpa-fashion show ang mga anak na babae na nalilito kung alin ang isusuot lalo na kung araw ng Linggo na malapit nang mali-late sa katagalan niyang mag-isip.

Bigyan ng warning ang anak na sa loob ng 10 minutes kapag hindi pa siya nakapagdesisyon, si nanay na ang kukuha ng isusuot niyang damit.