Christmas Tree ‘Di Kailangang Laging Bago
Christmas tree ang pinakamahalagang display tuwing Pasko. Hinding-hindi ito mawawala kahit saan ka magpunta, sa bahay, sa opisina, sa eskwelahan, kahit mga pangdekorasyon sa kung saan-saan ay makakakita ka ng Christmas tree.
Kung may luma kayong Christmas tree, at gustong magmukhang bago ito at maiwasan ang mabilis na pagkaluma, dapat ay linisin ito tuwing gagamitin at pagkatapos gamitin. Ang simpleng blower ay makatutulong para matanggal ang mga alikabok na kumakapit tuwing idi-display ang puno.
Maaari namang i-mix and match ang mga decor para hindi pagsawaan at magmukhang kakaiba ang puno taun-taon. Maaari rin iba-ibahin ang tema ng Christmas tree kada taon. Gawin ito minsang simple, makulay naman sa susunod na taon o kaya nama’y puro ilaw sa isa pang taon.
Maraming puwedeng gawing disenyo sa mga Christmas tree kaya gamitin ang imahinasyon.
Ito po ang inyong Kumpunerong Kuya na nagsasabing, kung gusto maraming paraan!
- Latest