Reklamo ng Customer

Ang “customer is always right” kaya tingnan na oportunidad o challenge ang kanilang reklamo para mapaganda ang serbisyo sa mamimili.

Dapat i-welcome ang kanilang complain na indikasyon na hindi nasunod ang procedure sa operation ng iyong negosyo na kailangang itama. Saan man nagkaproblema, nagkamali, o mayroong pagkukulang;  ang trabaho natin ay ituwid ito.

Laging tandaan na ang customer ay higit sa parang produkto o service na ating pinagsisilbihan. Katulad ng lahat, kailangan ng customer ng respeto, tulong, comfort, satisfaction, simpatya, at harapin sila ng may ngiti o pleasant.

Gaya ng teacher ang kanilang mga estudyante ay hindi lang kailangan ng knowledge, kundi  bigyan sila ng pang-unawa para maintindihan ang kanilang lesson. Ganundin sa mga doctor, ang kanilang pasyente ay na­ngangailangan ng higit pa sa treatment, bagkus kailangan din ng patient ng simpatya sa sakit na kanilang pinagdaraanan.

Ang customer  sa tindahan ay higit pa sa item o product, kailangan nila ng assistant, friendly face, at efficient na staff, crew, o tindera na haharap sa kanila.