Dalaga Ayaw na sa Adik na BF

Dear Vanezza,

Nagbabagong buhay ang nobyo kong addict dahil sa takot na matokhang. Ang problema ay hindi na siya pinauuwi ng pamilya niya rito sa lugar namin sa takot na gumamit muli siya ng pinagbabawal na gamot. Nakikipaghiwalay na ako sa kanya sa pamamagitan ng text at messenger. Pero ayaw niyang tanggapin dahil nagbabalak pa siyang umuwi sa amin. Ang kaso ay mayroon na akong nagugustuhang kaopisana namin na matino at disente. Ano ba ang gagawin ko? – Juliet

Dear Juliet,

Kung nasabi mo sa iyong nobyo na nakikipaghiwalay ka na. Huwag mo na siyang sagutin sa text o sa messenger. Upang iparating sa kanya ang intensiyon na wala na siyang puwang sa buhay mo. Kung puputulin ang komunikasyon sa kanya ay unti-unti na niyang malaman kung gaano ka desidido sa iyong desisyon.

Sumasainyo,

Vanezza