Oportunidad sa Pagnenegosyo

Laging tandaan sa mundo ng pagnenegosyo ito ay puno ng mga oportunidad sa kabila ng maraming dumarating na problema. Idilat ang mga mata at laging magmanman kung saan mayroong pagkakataon na pasukin ang pagnenegosyo dahil hindi ito kusang lalapit sa iyo. Huwag sumuko kahit sa panahon ng kahirapan, mataas na bilihin at cost-cutting.

Huwag panghinaan ng loob kung hi-tech na ang kalaban. Ang uso o trending ay umiikot lamang, pero lilipas din ito dahil ang tao ay babalik din sa basic na pangangailangan. Kailangan lang iangat ang packaging ng items at serbisyo para sa customers.

Ang tagumpay ay hindi nasusukat sa panggagaya, pagsabay sa uso, o pagiging standard ng produkto kundi sa original na ideas na inangkop lamang sa pagbabago ng pangangailan.